Sanxenxo é un dos concellos que integran a Ruta do Viño Rías Baixas, esta ruta ten un gran prestixio e está formada por unha ampla oferta de servizos enoturísticos de calidade. É unha excelente forma de descubrir os segredos dos viños da Denominación de Orixe Rías Baixas. Estes caldos caracterízanse polo seu aroma afroitado e floral, que ademais posúe un sabor único caracterizado pola sua suavidade e frescura, co xusto grao de acidez.
Visita unha adega, coñece os nosos viños.
No mundo do viño hai moito que saber: que terreos son aptos para plantar a vide, que coidados necesitan as vides, os procesos de elaboración… Visita as adegas e resolve todas estas dúbidas!
