A Capela de Santa Catalina é unha pequena e sinxela construción de pedra dunha soa nave de planta rectangular na que destaca sobre todo a espadana que se alza sobre a igrexa, adornada con dous pináculos e rematada cunha cruz.

A fachada principal tamén está adornada con dous pináculos, un a cada lado. A sancristía, tamén rectangular, aparece pegada á fachada posterior.

A Capela de Santa Catalina honra á patroa da vila de Portonovo, pola que os mariñeiros senten unha gran devoción e á que se lle adica unha festa no mes de novembro, cunha procesión marítima na súa honra. A Capela tamén está moi ligada ao resto das festas de Portonovo, especialmente ás do Patrón, San Roque.

Antigamente o Campo de San Roque estaba aberto ao mar e dise que ata o século XIX existiu alí unha batería de canóns para defender a entrada da ría. Xa que Portonovo foi utilizado como porto refuxio dos barcos corsarios nos séculos XVII e XVIII. Estes canóns defensivos están actualmente soterrados na base do Mercado Vello.