uta por estradas tranquilas polo val de Dorrón, con magníficas vistas á Ría de Pontevedra. Podemos observar o que queda do modo de vida dos habitantes dos dous principais núcleos rurais da zona, Dorrón e Bordóns, actualmente quedan restos de: lavadoiros, fontes, muíños, e mostras de riqueza arquitectónica: igrexas, pazos, cruceiros…

Desde a principal estrada da costa, case a medio camiño Areas e A Granxa, parte na dirección norte e despois xira á esquerda: aquí atoparemos dous muíños, a de Quintáns e a de Costa. volvendo en dirección norte atópase o muíño de Felipe, sempre a carón do regato que desemboca no extremo leste da praia de Areas. A pendente que salva este regato fai que, nos meses chuviosos, sexa abundante, aportando a forza da auga a mover as rodas dos muíños que noutro tempo eran tan útiles para moer millo, trigo e outros cereais. Por Lamela baixamos a Bordóns para, moi preto da súa parroquia, descender cara á costa visitando os muíños de Outeiro.

Neste punto estaremos moi preto do escenario sur da ruta do Carballos de Aldariz.