Somos un pequeno hotel familiar nunha das mellores zonas de San Vicente, o lugar de Reboredo. A nosa vila é tranquila, a un tiro de pedra do centro do Grove e cunhas vistas inmellorables á ría de Arousa.

O edificio era a nosa antiga casa, que reformamos e ampliamos no ano 2003 para transformala nun hotel. Seguimos conservando o hórreo familiar onde gardamos as nosas colleitas de cebola e millo.

O hotel está formado por 19 habitacións nas que a pedra é a protagonista tanto na súa construción como no seu interior. A decoración é cálida e pensada para o benestar e a relaxación.