Esta obra de bronce representa un burro retozando nas termas da illa da Toxa. Deste xeito, cumpríronse os desexos de dona Emilia Pardo Bazán, cando en 1899 cría que o descubridor das termas merecía unha estatua. Este feito foi lembrado no ano 1920 por don Wenceslao Fernández Flórez: “Fixemos a estatua do burro, moi grande, colocámola nun lugar ben visible, e puxemos esta inscrición en letras de ouro: Ao único protector de Galicia, dos contribuíntes e do pobre home”.

Esta escultura do burro, realizada por Lucas Míguez, non é a única obra deste escultor situada no concello do Grove. Na Praza de Arriba tamén podemos gozar da obra de Floreano.