Praia recta de area branca, orientada ao noroeste e situada nunha zona rural e rodeada en parte de masa forestal. Conta cun chiringuito na época estival, así como outros servizos de restauración nas proximidades. Na contorna tamén hai un cámping, o acuario e as Salgadeiras de Moreiras, un espazo museístico sobre a pesca e a salgadura. No verán, a praia comparte servizos públicos de aseo e socorrismo coa praia anexa: Area de Reboredo.