Praia urbana en forma de media cuncha, de area branca. Ao abrigo dos ventos fronte á illa da Toxa, é unha praia de augas tranquilas e boa para nadar. Atópase xunto á zona portuaria, o paseo marítimo de Beiramar e o pavillón de deportes náuticos, onde se sitúa boa parte da oferta turística do Grove, como o peirao dos catamaráns que fan rutas pola ría de Arousa e un gran número de restaurantes. para gozar do marisco e doutros produtos do mar. Posibilidade de alugar kayaks moi preto da praia. Hai que ter en conta que a praia tamén é zona de marisqueo.