Praia orientada ao noroeste, cunha paisaxe de vexetación e dunas, area dourada e algo espesa. Destaca pola súa tranquilidade e idoneidade para a práctica de deportes como o kitesurf ou o windsurf. É a praia máis longa bañada polas augas da ría de Arousa no Grove. Nas proximidades atópase a lagoa de Bodeira, a única lagoa costeira de auga doce da provincia, o que a converte nun lugar de gran interese natural e paisaxístico pola cantidade de aves acuáticas que invernan nesta zona húmida.