Esta praia recta de area branca e fina atópase nunha zona urbana da illa da Toxa, concretamente no lado dereito ao entrar dende a ponte que une a península do Grove coa illa. A Toxa é famosa polas súas augas medicinais e tratamentos termais. Ao abrigo dos ventos, é unha praia de augas tranquilas, aínda que situada nunha zona de marisqueo, polo que coa marea baixa o areal apenas queda sen auga. Hai aloxamentos a menos de 500 metros e a Aldea Comercial e O Redondo están a só 300 metros.