Percorre un lugar que vai dende o rural galego, ata praias de augas cristalinas e area branca e fina, pasando por antigas fábricas de salgadura ou os achados arqueolóxicos que lle dan nome. Este itinerario ten un gran valor ambiental, e pertence, na maior parte do seu percorrido, ao espazo protexido da Rede Natura 2000. É unha ruta chea de historia, na que atopamos as antigas salinas, fonte de riqueza e traballo para a vila durante séculos, e os restos arqueolóxicos de Adro Vello.