Salnés

Mariscaría D’Berto xorde coa filosofía de ofrecer produto do litoral galego, de tempada, da máxima calidade e buscando sempre sorprender co seu tamaño. É unha cociña que busca a naturalidade na preparación e na presentación, sen máscaras que disfracen o seu sabor.

D’Berto conseguiu diferenciarse do resto da oferta gastronómica do sector pola súa peculiaridade: exemplares de gran tamaño e primeira clase. Robalizas e bogavantes de 5 quilos ou máis, lagostinos cocidos de medio quilo ou grosos percebes do Roncudo fan que os comensais gocen primeiro coa vista, para para continuar co resto dos sentidos.