Tamén coñecida como Paxareiro, é unha praia recta, de area branca e fina, situada entre as praias da Lanzada e Area da Cruz. Aínda que aberto ao océano Atlántico, pola súa orientación sur está protexido dos ventos dominantes no verán e dende alí pódense contemplar unhas marabillosas vistas da illa de Ons. As súas augas tranquilas e cristalinas son idóneas para nadar, aínda que hai que ter coidado contra a resaca que provocan certos tipos de mareas. Conta cunha zona de fondeo para embarcacións. Conta cun amplo aparcamento, servizo de seguridade e aseos, ademais de chiringuito e outros establecementos de hostalería.